- . Сёння за прачытанне гімна „Veni Creator” (Прыйдзі, Стварыцель Дух Святы) можна атрымаць поўны адпуст. У наступную нядзелю Найсвяцейшай Тройцы скончыцца час велiкоднай споведзi.
- Літургічны каляндар:
- 24 мая, панядзелак – Успамін Найсвяцейшай Панны Марыя, Маці Касцёла (Успамін Маці Божай Успамогі Хрысціянаў);
- 26 мая, серада – Успамін св. Філіпа Нэрі, прэзбітэра;
- 27 мая, чацвер – Свята Езуса Хрыста, Найвышэйшага і Вечнага Святара.
- Праз увесь месяц май, перад Імшой святой, адпраўляем Набажэнства да Маці Божай – выстаўленне Найсвяцейшага Сакрамэнту, літанія ларэтанская. Такім чынам ушаноўваем нашу Маці і выпрошваем шмат ласкаў для сябе, сваіх сем’яў і ўсяго свету.
- . Прыпамінаю, што праз увесь май і летнія месяцы, аж да верасня св.Імшы ў нядзелю будуць адпраўляцца ў 12.00 і 17.00.
5.Сёння пасля Святых Імшаў пры выхадзе з капліцы будуць збірацца ахвяры на адбудову Санктуарыя ў Будславе, за якія шчыра дзякуем.
- Няхай Бог адудзячыць за ахвяры на будаўніцтва нашага касцёлa складзеныя на мінулым тыдні.
- Дзякуй сястры Альберце за арганізаваны учора супольны адпачынак. Таксама дзякуй ўсім хто прыняў у ім удзел: дзецям і старэйшым людзям.
- Дзякую ўсім, хто дапамагаў у розных працах для парафіі: за кашэнне травы, жанчынам за працу пры кветках каля капліцы і ў капліцы, за дастаўку бярозкі для дэкарацыі. Таксама дзякуй тым, хто кожную суботу ахвярна прыбірае капліцу, дзякуй за спеў і службу літургічную, за супольную і індывідуальную малітву, якая падтрымлівае развіццё нашай парафіі. Няхай добры Бог узнагародзіць кожнага паводле яго ахвярнасці, a св.Арханёл Міхал апякуецца Вамі і Вашымі сем’ямі.
- Прыміце сардэчныя віншаванні ад усей нашай парафіі тыя асобы, якія на гэтым тыдні будзеце святкаваць імяніны, дні нараджэння, юбілеі. Памолімся разам за ахвярадаўцаў і дабрачынцаў нашай парафіі, а таксама папросім аб новых дабрадзеях будаўніцтва нашага касцёла. Тваёй абароне ддаёмся…
