- сёння, 13 кастрычніка – успамін бл.Ганарата Казьмінскага, які заснаваў кангрэгацыю да якой належаць сёстры Узнагароджвальніцы Найсвяцейшага Аблічча, якія працуюць у нас. Асабліва віншуем сястру Альберту, просім для яе, а таксама для ўсёй кангрэгацыі Божага благаслаўлення і апекі Маці Божай.
- заўтра, ў панядзелак 14 кастрычніка – Дзень матулі. Жадаем усім матулям дабра, шчасця і дабрабыту.
Літургічны каляндар:
- аўторак, 15 кастрычніка – успамін святой Тэрэзы ад Езуса, панны і доктара Касцёла;
- чацвер, 17 кастрычніка – успамін св. Ігнацыя з Антыёхiі, біскупа
і мучаніка; - пятніца, 18 кастрычніка – СВЯТА СВ. ЛУКІ ЕВАНГЕЛІСТА, у гэты дзень молімся ў інтэнцыі лекараў, медсясцёр, працаўнікоў шпіталяў і хоспісаў.
- Ружанцовае Набажэнства ў нашай парафіі адпраўляем за паўгадзіны перад св. Імшой вечаровай на 17.30. Памятаем пра словы Марыi ў Фацiме: „Дзеці, штодзённа маліцеся на ружанцы, каб выпрасiць супакой у свеце!”.
- Набліжаецца лістапад – месяц памяці пра нашых памерлых. Пры выхадзе з капліцы можна ўзяць картачкі на ВЫПАМІНКІ. Упісваем там імёны памерлых, за якіх будзем на ружанцы маліцца цэлы лістапад і кожны тыдзень у пятніцу будзе адпраўляцца св. Імша. Запоўненыя карткі трэба прынесці да закрыстыі.
- Няхай Бог адудзячыць за ахвяры на будаўніцтва новага касцёлa складзеныя на мінулым тыдні.
- Дзякуй жанчынам з Дыяконіі „Прыгажосці Дому Божага” за прыбіранне ўчора капліцы і Цэнтра. Кожную суботу знаходзяцца добрыя жанчыны, якія ахвяруюць некалькі гадзін для Пана і нас. Запрашаю далучыцца да прыбірання нашага супольнага дому. Можна запісацца ў спіс самаму, альбо ўсёй сям’ёй. За больш падрабязнай інфармацыяй звяртацца да Руткоўскай Людзьмілы.
Дзякую за спеў і службу літургічную.
Прыміце сардэчныя віншаванні ад усёй нашай парафіі тыя асобы, якія на гэтым тыдні будзеце святкаваць юбілеі, імяніны i дні нараджэння. Памолімся разам за ахвярадаўцаў і дабрачынцаў нашай парафіі, а таксама папросім аб новых дабрадзеях будаўніцтва нашага касцёла. Тваёй абароне аддаёмся…
