1. Літургічны каляндар:
·       4 сакавіка — успамін св. Казіміра
·       7 сакавіка — успамін св. Пэрпэтуі і Фэліцыты, мучаніц.
  1. На гэтым тыдні прыпадае:
  • першы аўторак месяца – каля фігуры св. Міхала Арханёла знаходзіцца скарбонка, у якую можна кідаць інтэнцыі, ў якіх будзе адпраўлена св. Імша ў 17.30. Гэта павінны быць асаблівыя інтэнцыі: аб вызваленні ад розных залежнасцяў, аздараўленне духоўнае, навяртанне да Бога. Пасля св. Імшы адбудзецца выстаўленне Найсвяцейшага Сакрамэнту і спецыяльнае набажэнства аб вызваленні ад розных залежнасцяў;
  • першы чацвер месяца – дзень малітваў аб пакліканнях да службы Божай. З 21.00 да 22.00 Гадзінa Чуванння перад Панам – адмовім тры часткі Святога Ружанца з просьбаю, каб Пан паслаў нам работнікаў на сваё жніво;
  • першая пятніца месяца – дзень малітваў да Сэрца Пана Езуса;
  • першая субота месяца – дзень малітваў да Найсвяцейшай Панны Марыі.

 

  1. У нашай капліцы ў перыяд Вялікага Посту адпраўляюцца наступныя набажэнствы вялікапосныя:

Дарога Крыжовая:

–  адпраўляецца кожную пятніцу пасля св. Імшы на 17.30;

–  і яшчэ адна ў 20.00 спецыяльна для дзяцей і моладзі, а таксама для ўсіх, хто працуе да паздна;

Песні Жальбы:

– кожную нядзелю пасля св. Імшы на 11.00.

 

  1. 6 сакавіка, пятніца – пасля св.Імшы на 17.30 Дарогу Крыжовую правядзе Ружа ружанцовая Наташы Парашчанка.

 

  1. 29 сакавіка, нядзеля, пасля св.Імшы на 11.00, адбудуцца выбары новай рады парафіяльнай на бліжэйшыя тры гады. Прашу, каб усе парафіяне прынялі ўдзел у гэтых выбарах.

 

  1. Няхай Бог адудзячыць за ахвяры на будаўніцтва новага касцёлa складзеныя ў лютым 18 сем’яў – 685 руб. і 100 даляраў.

 

  1. Дзякуй вялікі ўсім, хто прыняў учора ўдзел у “парафіяльным суботніку”. Было зроблена шмат працы на плацоўцы вакол Пастаральнага цэнтра і будуючагася касцёла. На гэтым тыдні працы па навядзенню парадка прадоўжацца. Будзе вывезена смецце, дошкі непрыгодныя для ўжывання на будоўлі. Дзякуй за прыбіранне ўчора капліцы, за спеў і службу літургічную. Дзякуй таксама за супольную і індывідуальную малітву, якая падтрымлівае развіццё нашай парафіі. Няхай добры Бог узнагародзіць кожнага паводле яго ахвярнасці, a св.Арханёл Міхал апякуецца Вамі і Вашымі сем’ямі.

 

  1. Прыміце сардэчныя віншаванні ад усей нашай парафіі тыя асобы, якія на гэтым тыдні будзеце святкаваць імяніны, дні нараджэння, юбілеі. Памолімся разам за ахвярадаўцаў і дабрачынцаў нашай парафіі, а таксама папросім аб новых дабрадзеях будаўніцтва нашага касцёла. Тваёй абароне аддаёмся…