- 1. Сёння, 11 красавіка, Свята Божай Міласэрнасці – Пан Езус у аб’яўленнях, якія пераказаў праз святую Сястру Фаўстыну, пакінуў запаведзь, што ўсе, хто сёння годна прыме святую Камунію, адмовяць Вяночак да Божай Міласэрнасці – змогуць атрымаць шмат надзвычайных ласкаў.
- Наша суседняя парафія ў Лошыцы сёння перажывае адпуст. Імшу св. у 12.00 будзе адпраўляць арцыбіскуп Тадэвуш Кандрусевіч.
- Кожную нядзелю пасля ранішняй св.Імшы і да св.Імшы на 17.00 ў нашай капліцы адбываецца выстаўленне Найсвяцейшага сакрамэнта. Сёння асаблівым чынам памолімся ў 15.00 Вяночкам і Літаніяй да Божай Міласэрнасці. Папросім Пана Бога ахінуць нас і нашу бацькаўшчыну Сваёй Міласэрнай Любоў’ю. Сардэчна запрашаем кожнага. Справаванне і адарацыя Эўхарыстыі дазваляе наблізіцца да любові Бога і асабіста да яе дакрануцца. Гэта рэальная магчымасць адчуць, што Бог кожнага з нас вельмі любіць.
- У наступную нядзелю, 18 красавіка 2021 года, пасля ранішняй св.Імшы адбудуцца выбары новай рады парафіяльнай на бліжэйшыя тры гады.
- Няхай Бог адудзячыць за ахвяры на будаўніцтва нашага касцёлa складзеныя на мінулым тыдні.
Дзякую ўсім, хто дапамагаў у розных працах пры парафіі, за прыбіранне ўчора капліцы, за спеў і службу літургічную. Дзякуй таксама за супольную і індывідуальную малітву, якая падтрымлівае развіццё нашай парафіі. Няхай добры Бог узнагародзіць кожнага паводле яго ахвярнасці, a св. Арханёл Міхал апякуецца Вамі і Вашымі сем’ямі. Прыміце сардэчныя віншаванні ад усей нашай парафіі тыя асобы, якія на гэтым тыдні будзеце святкаваць імяніны, дні нараджэння, юбілеі.
Памолімся разам за ахвярадаўцаў і дабрачынцаў нашай парафіі, а таксама папросім аб новых дабрадзеях будаўніцтва нашага касцёла. Тваёй абароне аддаёмся…
