- Літургічны каляндар:
- 29 красавіка, панядзелак – Свята св. Кацярыны Сіенскай, Панны і доктара Касцёла, Апякункі Еўропы;
- 1 мая, серада – успамін св. Юзафа, рамесніка;
- 2 мая, чацвер – успамін св. Атаназія, біскупа і доктара Касцёла;
- 3 мая, пятніца – Свята святых Філіпа і Якуба, апосталаў.
2. У нашай парафіі трывае перэгрынацыя копій абразоў Маці Божай з санктуарыяў Беларусі і Свету.
З гэтай прычыны расклад набажэнстваў з панядзелка па чацвер: 18:00 – Святая Імша, пасля выстаўленне Найсвяцейшага сакрамэнта і ружанец.
3 мая ў пятніцу – заканчэнне перэгрынацыі. У 18:15 адмовім ружанец, а ў 19:00 – Святая Імша падзякі за гэты час. Пасля Імшы працэсія вакол Касцёла з абразамі Маці Божай.
Каля фігуры Маці Божай ў скарбонку можна класці просьбы і падзякі выпісаныя на картцы. Кожны дзень будзем маліцца на ружанцы, а на канец перэгрынацыі будзе адпраўлена Святая Імша ў гэтых інтэнцыях.
Субота – Святая Імша ў 17:30.
3. Праз увесь май будзем адпраўляць набажэнствы маёвыя.
4. На гэтым тыдні прыпадае:
- першы чацвер месяца – дзень малітваў аб пакліканнях да службы Божай. З 21.00 да 22.00 Гадзінa Чуванння перад Панам – адмовім тры часткі Святога Ружанца з просьбаю, каб Пан паслаў нам работнікаў на сваё жніво;
- першая пятніца месяца – дзень малітваў да Сэрца Пана Езуса;
- першая субота месяца – дзень малітваў да Найсвяцейшай Панны Марыі.
5. Няхай Бог адудзячыць за ахвяры на будаўніцтва нашага касцёлa.
Дзякуй усім, хто розным чынам на мiнулым тыднi дапамагаў пры парафii: жанчынам за прыбіранне капліцы і Цэнтра. Дзякую таксама за спеў і службу літургічную. Няхай добры Бог узнагародзіць кожнага паводле яго ахвярнасці, a св. Арханёл Міхал апякуецца Вамі і Вашымі сем’ямі. Віншую ўсіх, хто на гэтым тыдні святкуе імяніны, юбілеі і дні нараджэння. У іх інтэнцыі, за ўсіх ахвярадаўцаў і дабрачынцаў нашай парафіі, памолімся супольна.
